yawropa ukraina üchün oq-dora ishlepchqirishni tézleshtüridu
yawropa ittipaqi tashqi munasiwetler we bixeterlik siyasiti aliy wekili josép borrél yawropa mudapie sanaitining barliq wekilliri bilen bir yerge jem bolup, ukrainagha oq-dora ewetishni tézleshtürüsh mesilisini muzakire qilghanliqlirini bildürdi.
türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili josép borrél yawropa ittipaqi komitétining sanaet ishlirigha mesul ezasi tiyérriy bréton bilen twittér adrésida widéo hembehrlidi.
u yawropa mudapie sanaitining aldinqi qatarda turidighan wekilliri bilen yighin achqanliqlirini bildürüp: «biz ukraina üchün oq-dorilargha éhtiyajliq. biz aldirawatimiz, buning üchün sanaetke éhtiyajliqmiz» dédi.
u tunji qétim mudapie sanaitining aldinqi qatardiki wekilliri bilen bir yerge jem bolghanliqlirini eskertip: «barliq sanaetning meqsitimizni qollaydighanliqigha cheksiz ishinimen» dédi.
u ötken hepte yawropa ittipaqidin ukrainagha oq-dorilar ewetilgenliki üchün iskilattiki azayghan oq-dora miqdarining ornini toldurush meqsitide, oq-dora ishlepchiqirishni qollash qanun teklipini sunghanliqlirini élan qilghan idi.
buninggha asaslanghanda, yawropa ittipaqining mudapie sanaiti sahesidiki iqtidarini kücheytish üchün maliye wastisi ishqa sélinidighan bolup, ittipaq xamchotidin oq-dora ishlepchiqarghuchilirigha 500 milyon yawro ajritilidu. yawropa ittipaqi oq-dora we bashqurulidighan bomba ishlepchiqirishini ashurush sélinmiliri üchün yawropadiki qoral-yaragh shirketlirini ilhamlanduridu. buningdin bashqa, yawropa ittipaqi döletliri maslishish yaki iqtisadiy qutquzush fondlirining bir qismini mudapie layihelirige yüzlendüridu. oq-dora bilen teminlesh zenjirliridiki mesililerni yéqindin közitish üchün bir méxanizm ornitilidu.
bu qanun teklipi yawropa ittipaqining ukrainagha, bolupmu 155 millimétirliq top oqlirini ewetish pilanining bir parchisini otturigha qoymaqta.