209 neper kolombiye köchmini amérikadin qoghlap chiqirildi
amérikadin qoghlap chiqirilghan 209 neper kolombiye köchmini mesullarning teshebbusi netijiside öz döletlirige élip kétildi.
türkiye awazi radyosi xewiri: paytext bogotadiki xelqara el dorado ayrodurumigha élip bérilghan kolombiye köchmenliri amérikada ayrimchiliqqa uchrighanliqlirini éytti.
kolombiye tashqi ishlar ministirliqining twittér adrésida élan qilinghan bayantta, xelqaraliq teshkilatlar bilen maslishish ichide ikenliki eskertilip, «mudapiesiz halettiki 209 neper puqramizni döletke élip kelduq we ulargha yardem qiliwatimiz» déyildi.
kolombiye taratqulirining xewirige asaslanghanda, amérika dairiliri köchmenlerni kokayin etkeschiliki bilen eyibligen we ularning insanperwerlik éhtiyajini qandururushigha yol qoymighan.
kolombiye hökümiti teripidin élan qilinghan bayanatta, köchmenlerdin kishilik hoquqlirigha dexli-teruz qilinghanliqi toghrisida kéreklik melumatlarning élinghanliqi we bu mesile üstide tetqiqatning bashlanghanliqi bildürüldi.
kolombiye dairiliri amérika-méksika chégrasida qolgha chüshken qanunsiz kolombiye köchmenlirini yurtigha qayturup kélish pilanini 5 – mayda waqtinche toxtatqanliqini élan qilghan idi.
kolombiye köchmenler idarisining bashliqi karlos férnando garsiya élan qilghan yazma bayanatida, hökümetning bu qararni amérika dairilirining köchmenlerge qilghan muamilisige étiraz bildürüsh üchün chiqarghanliqini bildürgen idi.
