sudanda ichki toqunush dawam qilmaqta

türkiye awazi radiyosi xewiri: sudan paytexti xartum tünügün (7-may) shiddetlik toqunushlargha sehne boldi. emma, seudi erebistanning jidde shehiride ikki terep wekilliri muzakirelirini dawamlashturdi.

guwahchilarning éytqanlirigha qarighanda, paytext xartumdiki pirézidéntliq mehkimisi we armiye qomandanliq ishtabi etrapida zembirek awazliri anglanghan. bezi rayonlarda armiyening ayropilanliri téz yardem qilish qisimlirining kontrolluqidiki nuqtilarni bombardiman qilghan. baxri rayonida toqunush sewebidin bezi fabrikalargha ot ketken.

sudan armiyesi 3-may urush toxtitishni bir hepte uzartishni telep qilghan sherqiy afriqadiki hökümetler ara tereqqiyat teshkilatining teklipini qobul qilghanliqlirini élan qilghan idi.

téz yardem qilish qisimliri 5-may amérika we seudi erebistanning muressechiliki astida insanperwerlik yardem karidorliri échish, puqralar we rayon xelqige qolayliq yaritip bérish, éhtiyajlirini qamdishi we bixeter rayonlargha yétip bérishi üchün, toqunushning yene 72 saet uzartilghanliqini uqturghan idi.