silowéniyening waqitliq bash ministiri édward xégér wezipisidin istépa bergenlikini élan qildi
rusiye-ukraina urushida ukrainani toluq qollighanliqi bilen tonulghan xégér istépanamesini pirézidént zuzana kaputowagha tapshurdi.
türkiye awazi radiyosi xewiri: silowéniyening waqitliq bash ministiri xégér bayanat élan qilip, döletning siyasiy weziyitini közde tutqanliqi we silowéniyege yaxshi ishlarni arzu qilghanliqi üchün, xizmitidin istépa bérishni qarar qilghanliqini éytti.
istépaning arqisidin pirézidént kaputowamu 9-ayda döletni saylamgha yétekleydighan téxnikiliq hökümet teshkillesh qarari maqullighanliqini élan qildi.
yerlik taratqularning xewirige asaslanghanda, kaputowa hökümet teshkillesh üchün silowéniye dölet bankasining muawin bashliqi ludowit odorni wezipige teyinleydiken.
silowéniyeide siyasiy muqimsizliq uzundin buyan dawamlishiwatqan bolup, xégér bashchiliqidiki üch partiye birleshme hökümitidin erkinlik we ittipaqliq partiyesi (SAS) ning ayrilishi netijiside parlaménttiki köp sanliq bolush üstünlükini qoldin bérip qoyghan hökümet, 2022-yili 12-ayda ötküzülgen ishench awazi bérishte meghlub bolup emeldin qalghan idi.
shuningdin kéyin, pirézidént kaputowa xégér bashchiliqidiki waqitliq hökümetke döletni saylamgha yéteklesh wezipisi tapshurghan idi.
