b d t: taliban hökümitining cheklimisi sewebidin insanperwerlik yardemler toxtap qaldi
birleshken döletler teshkilati taliban hökümitining afghanistandiki ayal xadimlargha qoyghan cheklimisi sewebidin insanperwerlik yardem xizmitining üzülüp qalghanliqini bildürdi.
türkiye awazi radiyosi xewiri: birleshken döletler teshkilati bash katipining muawin bayanatchisi farxan heq kündilik axbarat élan qilish yighinida, taliban hökümitining afghanistandiki ayal xadimlargha qoyulghan xizmet cheklimisi toghrisidiki soallargha jawab berdi.
heq afghanistan xelqining insanperwerlik yardemge intayin éhtiyajliq ikenlikini tekitlep mundaq dédi: «insanperwerlik yardem mesiliside xirisqa duch kéliwatimiz. bir tereptin, afghanistan xelqining bu éhtiyajlirini qandurushqa tirishiwatimiz. yene bir tereptin, insanperwerlik yardem paaliyetlirimiz bu tosalghular sewebidin toxtap qéliwatidu. afghanistanda er-ayal barliq xadimlarning ishlishige ruxset qilinishining zörürlüki toghrisidiki meydanimiz özgermidi.»
farxan heq afghanistangha tutqan pozitsiyesi we siyasetlirini dawamliq közdin kechürüp turidighanliqlirini, hemde muwapiq xizmet usulliri üstide izdiniwatqanliqlirini qeyt qildi.
u afghanistanda er - ayal xadimlarning muhim wezipilerning sirtida öydin ishlewatqanliqini eskertti, hemde dölet ichide insanperwerlik yardem paaliyetlirining dawamlishiwatqanliqini bayan qildi.
u yene, birleshken döletler teshkilatining xadimlirining hayatigha xewp yetküzidighan qedemlerni tashlashtin dawamliq saqlinidighanliqinimu sözlirige ilawe qildi.
مۇناسىۋەتلىك خەۋەرلەر
