sérbiyede yene bir qoralliq hujum qilish weqesi yüz berdi

türkiye awazi radiyosi xewiri: sérbiye paytexti bélgradqa yéqin yerdiki mladénwak bazirida, 21 yashliq birining mashinisini heydep kétiwétip etrapidikilerni oqqa tutqanliqi, deslepki éniqlashlargha qarighanda, hujumda sekkiz ademning qaza qilghanliqi, 13 ademning yarilanghanliqi bildürüldi.

igilinishiche, hujumchi weqedin kéyin qéchip ketken, neq meydangha köp sanda saqchi ewetilgen.

sérbiye bixeterlik tarmaqliri gumandarni qolgha chüshürüsh üchün tik uchar ayropilan we uchquchisiz hawa apparatlirinimu ishqa salghan halda charlash xizmitini bashliwetken.

sérbiye ichki ishlar ministiri bratislaw gasich weqege «térrorluq herikiti» dep baha berdi.

xususiy qorallinish kölemleshken sérbiyede, 13 yashliq bir bala charshenbe küni bir mektepke bésip kirip, sekkiz oqughuchi bilen amanliq saqlighuchini étip öltürüwetkenidi.