bélgiyede térror gumandari yette kishi nazaret astigha élindi
bélgiyede térrorluq hujumi pilanlawatqanliqi we daésh térrorluq teshkilatigha chétishliq bir guruppa bilen munasiwiti barliqi eskertilgen yette kishi nazaret astigha élindi.
türkiye awazi radiyosi xewiri: bélgiye fédératsiye teptish mehkimisi yazma bayanat élan qilip, flaman rayonining rosélaré, ménén, osténd, wéwélgém we gent sheherliride bir qanche yerni tekshürüsh netijiside yette kishining nazaret astigha élinghanliqini uqturdi.
bayanatta, daéshqa chétishliqi bar bir guruppa bilen munasiwining barliqi qeyt qilinghan kishilerning töt nepirining chéchenistanliq, üchining bélgiyelik ikenliki jezmleshtürüldi.
bayanatta yene, gumandarlargha qaritilghan eyibleshlerning térrorluq teshkilatigha qatnishish we térrorluq hujumi pilanlashtin ibaret ikenliki eskertildi.
bélgiye tehdit analizi maslashturush orgini yuqirida bayan qilinghan özgirishlerdin kéyin bayanat élan qilip, dölettiki térrorluq xewpining otturahal sewiyede ikenlikini bildürdi.
