rusiyede néfit ayrish zawuti hujumgha uchridi
rusiyening krasnodar rayonidiki néfit ayrish zawutida uchquchisiz hawa apparati arqiliq élip bérilghan hujum netijiside, ot apiti yüz berdi.
türkiye awazi radiyosi xewiri: rusiyening (TASS) agéntliqining xewirige qarighanda, rusiyening krasnodar rayonining ilskiy kentidiki néfit ayrish zawuti uchquchisiz hawa apparati hujumigha uchrighan.
hujum netijiside, néfit ayrish zawutining ambarlirida ot apiti yüz bergen.
krasnodar waliysi wéniyamin kondratyéw ammiwi ortaqlishish tor bétidiki sehipiside bu heqte élan qilghan bayanatida, mundaq dégen: «deslepki melumatlargha qarighanda, hujumda adem ölüsh ehwali körülmigen bolup, kent ahaliliri xeter ichidimu emes.»
tünügün (3-may) rosiyening krasnodar rayonidiki néfit ayrish zawutida ot apiti yüz bergenliki, ot apitide adem ölüsh we yarilinish ehwalining körülmigenliki bildürülgenidi.
buningdin bashqa yene, krémil sariyi ukrainaning rusiye prézidénti wladimir putinning krémil sariyidiki turalghusigha uchquchisiz hawa apparati arqiliq hujum qilishqa urunghanliqini uqturghanidi.
