israiliye türmiside 87 kündin buyan achliq élan qilghan pelestinlik mehbus qaza qildi
israiliye türmiside 87 kündin buyan achliq élan qiliwatqan pelestinlik mehbus hedir adnan qaza qilghandin kéyin, qorshaw astidiki ghezze rayonidin israiliyege rakétamiyot étildi.
türkiye awazi radiyosi xewiri: israiliye armiyesining yazma bayanatida, ghezze rayonidin israiliyege üch rakétamiyotning étilghanliqi bildürüldi.
bayanatta, rakétamiyotlarning hemmisining ochuq yerge chüshkenliki, hawa mudapie sistémisining rakétamiyotlargha inkas qayturmighanliqi uqturuldi.
buningdin bashqa yene, ghezze rayoni etrapidiki olturaq rayonlarda agahlandurush güdüklirining aktip halgha keltürülgenlikimu bildürüldi.
pelestinlik mehbus hidir adnan sot qilinmastin «memuriy tutup turulush» qa qarshi87 kündin buyan türmide achliq élan qilishni dawamlashturmaqta idi.
pelestin qarshiliq körsitish guruppiliri adnanning bügün etigen alemdin ötkenlikini élan qildi.
kishilik hoquq teshkilatliri adnanning salametlikining nacharlishishi sewebidin türmidin doxturxanigha yötkelmise «ölüm xewipige duchar bolidighanliqi» ni élan qilghan bolsimu, israiliye soti bu telepni ikki qétim ret qilghan idi.
