yemende xusiylarning hujumida bir kichik balini qoshqanda jemiy üch puqra qaza qildi
yemende iranning qollishi astidiki xusiylarning rakétamiyot hujumida, bir kichik balini qoshqanda jemiy üch puqra qaza qilip, toqquz puqra yarilandi.
türkiye awazi radiyosi xewiri: yemen xewer agéntliqi saba (SABA) ning xewirige asaslanghanda, xusiylar teyz wilayitining mawza nahiyesige qarashliq ghazil el awashika rayonidiki puqralar olturaq rayonigha rakétamiyot hujumi qilghan. hujumda 12 yashliq néjwa hesen bekas, muhemmed el xubeyshi we uning singlisi meryem el xubeyshi qaza qilghandin bashqa yene, toqquz puqra yarilanghan.
xewerde yarilanghanlardin bezilirining ehwalining éghir ikenliki we jiddiy qutquzush bölümide dawaliniwatqanliqi bildürüldi.
xusiylar bolsa, téxiche weqege munasiwetlik héchqandaq bayanat élan qilmidi.
yemende iranning qollishi astidiki xusiylar 2014-yili 9-aydin buyan paytext sanaa we bir qisim rayonlarning kontrolluqini alqinigha kirgüzüwalghan bolup, seudi erebistan bashchiliqidiki birleshme qisimlar 2015-yili 3-aydin buyan xusiylargha qarshi yemen hökümitini qollap kelmekte.
