хитай вә филиппин ташқи ишлар министирлири манилада көрүшти

түркийә авази радйоси хәвири: чиң гаң байанатида, «зиддийәтни диалог арқилиқ һәл қилиш, район вә дунйаниң тинчлиқи шундақла муқимлиқини ишқа ашуруш үчүн әһдинамиләрни давамлаштуруш» ни тәшәббус қилидиғанлиқини билдүрди.

филиппин ташқи ишлар министири енрик манало болса,  икки дөләтниң сода мунасивити вә район характерлиқ ихтилапларға  алақидар алдинқи қетимқи йеғинларда һасил қилинған өзгиришләр үстидә тохтилип, шундақтиму һәл қилишқа тегишлик нурғун мәсилиләрниң барлиқини тилға алди.

икки дөләт ташқи ишлар министирлири сәвийәсидики бу қетимқи учришиш؛ 1-айда филиппин пирезиденти фердинанд маркос җирниң бейҗиңда өткүзгән зийарити вә хитай мәнсәпдиши ши җинпиң билән өткүзгән учришишидин буйанқи әң йуқири сәвийәлик учришиш дәп руйхәткә елинди.

иккинчи дунйа урушидин кейин җәнубий хитай деңизидики қирғақдаш дөләтләр мустәқиллиқиға еришкән болуп, шуниңдин кейин  район дөләтлири оттурисидики игилик һоқуқи талаш -тартишлириниң мәркизидә хитай билән филиппин орун елип кәлмәктә.

хитай тунҗи қетим 1947-йили елан қилинған хәритини баһанә қилип, җәнубий деңизниң %80 тин көпрәкиниң игилик һоқуқиниң өзигә тәвә икәнликини дава қилип кәлмәктә.

филиппиндин башқа йәнә, вейтнам, бруней вә малайшийаму йәр асти байлиқи мол болған бу районда игилик һоқуқи тәләп қилмақта.

хитайниң райондики талаш-тартишлиқ аралларда қанунсиз һәрбий базиларни  қурушиға вә һәрбий амиллардин башқа йәнә пуқравий парахотлар арқилиқму мәвҗутлиқини намайан қилип йүришигә қарита райондики дөләтләр билән бирликтә америкаму қарши чиқип кәлмәктә.