tutup turup tekshürülüwatqan ennehda rehbiri rashid elghennushi bügün etigen qolgha élindi
tunis ennehda herikitining rehbiri, tunis parlaméntining sabiq parlamént bashliqi rashid elghennushi 48 saetlik tutup turush mudditi axirlashqandin kéyin, resmiy shekilde qolgha élindi.
türkiye awazi radiyosi xewiri: tunis bixeterlik qisimliri 4 - ayning 17 - küni iptar waqtida öyige bésip kirip nazaret astigha alghan elghennushi, 48 saetlik teptish tekshürüshidin kéyin yollanghan tunis esliye mehkimisi teripidin bügün etigen qolgha élinip türmige yollandi.
ennehda herikitining ezasi adwokat hebib bin sidxum ijtimaiy taratqudiki adrésida bayanat élan qilip, ghennushi we uning hemrahliqidiki 11 kishining «dölet bixeterlikige suyiqest qilish» dairiside tekshürülüwatqanliqini bildürdi.
ghennushi bilen birlikte nazaret astigha élinghan ennehda herikitining aldinqi qatardiki zatliridin muhemmed elkumani, bilqasim hesen we heriketning bashqa alte ezasining mezkur sot mehkimisi teripidin jemiyette turghuzup sotlashqa höküm qilinghanliqi qeyt qilindi.
hökümet organliri hazirghiche ghennushi qandaq jinayet sadir qilish bilen eyiblengenliki toghrisida bayanat élan qilmidi.
