nato tor bixeterlik manéwiri ötküzmekte
nato 38 dölettin kelgen 3 mingdin artuq ishtirakchi bilen dunyadiki eng chong tor bixeterlik manéwiri ötküzmekte.
türkiye awazi radiyosi xewiri: natoning yilda bir qétim ötküzülidighan «quluplanghan qalqan» namliq manéwiri, éstoniyediki nato hemkarliq tor mudapie merkizi (CCDCOE) de ötküzülmekte.
natoning bu heqte élan qilghan bayanatigha qarighanda, tünügün (18-aprél) bashlanghan we 21-aprélghiche dawamlishidighan manéwirda, kompyutér sistémiliri hujumdin qoghdilip, halqiliq ehwalda chiqirilidighan taktika we istratégiyelik qararlar manéwirda teqlid qilinidiken.
nato hemkarliq tor mudapie merkizining diréktori mart nurma (MartNoorma): «héchqandaq tor mudapie manéwiri <quluplanghan qalqan> gha oxshash alahide we tepsiliy tejribe bilen teminliyelmeydu. dunyadiki 24 kök guruppa halqiliq ul- eslihe we kompyutér sistémisining ochuq bolushigha kapaletlik qilishi kérek. komandilar réal turmushtiki ehwallar we yuqiri bésim astida, sistémining ishlishini saqlap qélish üchün némilerni qilidighanliqini körsitip béridu». dédi.
u özlirining téxnikiliq mesililergila emes, belki istratégiye oyunliri, qanun mesililiri we kirizis alaqisi qatarliq sahelergimu ehmiyet béridighanliqlirini qeyt qildi.