tunis dairiliri rashid elghennushini nazaret astigha aldi
tunis bixeterlik qisimliri tunis ennehda herikitning rehbiri, tunis parlaméntining sabiq bashliqi rashid elghennushini öyige basturup kirip nazaret astigha aldi.
türkiye awazi radiyosi xewiri: ennehda herikiti rehberlik apparati ezasi we sabiq tashqi ishlar ministiri refiq abdussalam féysbuktiki adrésida bayanat élan qilip, bixeterlik qisimlirining ghennushini öyige basturup nazaret astigha alghanliqini uqturdi.
ennehda herikiti yazma bayanat élan qilip, tunistiki öktichilerni «öktichi siyasiyonlarning hoquqi we erkinlikige dexli - teruz qilish we bésim ishlitish qilmishlirigha qarshi birliksep ornitish»qa chaqirdi.
elghennushining nazaret astigha élinishigha «nahayiti xeterlik qedem» dep baha bérilgen we qattiq eyiblengen bayanatta, ennehda rehbirining derhal qoyup bérilishi telep qilindi.
hökümet dairiliri hazirghiche elghennushining nazaret astigha élinishi toghrisida héchqandaq bayanat élan qilmidi.
