bélgiye bash ministiri türkiye bilen uzun muddetlik hemkarliqni tekitlidi
bélgiye bash ministiri aléksandér dé kro 6-féwral türkiyede yüz bergen qahramanmarash yer tewresh apetliridin kéyin, dölitining hatayda dala doxturxanisi qurghanliqini we ularning uzun muddetlik yardemlirini dawamlashturidighanliqini eskertti.
türkiye awazi radiyosi xewiri: bélgiye bash ministiri aléksandér dé kro tünügün (17-aprél) kechte paytext biryussélda bir top musulman yashlar teshkilligen iptar pirogrammisigha qatnashti.
aléksandér dé kro iptardiki nutuqida, türkiyede yüz bergen yer tewreshtin kéyin, bélgiye we türkiyede yashaydighan türk jamaitige hemkarliqni tekitlep: «bélgiyede hemishe hemkarliq bar, nurghun kishiler her küni yardem paaliyetliri üchün aktipliq bilen tirishiwatidu» dédi.
dé kro bélgiyening hatayda doxturxana qurghanliqini eskertip: «bu doxturxana hazirmu bar, her küni 70-80 kishi dawaliniwatidu. bu doxturxana bizning u yerde uzunghiche turidighanliqimizni we yardem qilidighanliqimizni körsitip béridu. türkiyediki yer tewresh tuyuqsiz we qorqunchluq bolghan bolushi mumkin, emma kishilerning bu apetni yingidighanliqini bilimiz. u yerni qayta qurup chiqimiz, téximu küchlük jemiyet berpa qilimiz. bélgiye bilen türkiye otturisidiki bu hemkarliq tolimu güzel» dédi.
