nato baltiq déngizida hawa mudapie manéwiri ötküzdi
shimaliy atlantik ehdi teshkilati baltiq déngizida «Ramstein Alloy 2023-1» namliq hawa mudapie manéwiri ötküzdi.
türkiye awazi radiyosi xewiri: shimaliy atlantik ehdi teshkilatining bu yilqi hawa mudapie manéwirigha türkiye, gérmaniye, portugaliye, ruminiye, finlandiye, litwaniye we ispaniye qatarliq döletler qatnashti.
shimaliy atlantik ehdi teshkilati teripidin bu heqte élan qilinghan bayanatta mundaq déyildi: «hawa mudapie manéwiri dawamida, ittipaqdash döletlerning urush ayropilanliri puqralar ayropilani bilen alaqe üzülüp qalghan ehwal astida puqralar ayropilanini ayrodurumgha ekilish qatarliq kündilik hayatta yoluqush éhtimali bolghan her xil réal sénariyelerni ijra qildi.»
«F-16» tipliq urush ayropilanliri köp xil urush wezipisini orundidi we quruqluq qisimlirini yéqindin qollidi.»
«finlandiye 4 – aprél küni shimaliy atlantik ehdi teshkilatigha eza bolghandin buyan, finlandiye ayropilanliri tunji qétim shimaliy atlantik ehdi teshkilatining herbiy manéwirigha qatnashti.»
bayanatta tekitlinishiche, ittipaqdashlar döletlerning mas qedemde heriket qilish iqtidarini ashurush meqset qilinghan hawa mudapie manéwiri netijiside, ittipaqdash döletlerning urush ayropilanlirining baltiq déngizi hawa tewelikide bir gewde halitide paaliyet élip bérish iqtidari ashqan.
