polsha ukrainagha besh dane «MiG-29» tipliq ayropilan béridu
gérmaniye polsha hökümitining sherqiy gérmaniye milliy xelq armiyesi (NVA) zapisidin ukrainagha besh dane «MiG-29» tipliq ayropilan bérish üchün sunghan qayta éksport qilish iltimasini testiqlidi.
türkiye awazi radiyosi xewiri: gérmaniye dölet mudapie ministiri boris pistoriyus bayanat élan qilip: «men polshaliq shériklirimizge sabiq sherqiy gérmaniye armiyesining iskilatidin besh dane <MiG-29> tipliq ayropilanni bérish wedimizni uqturghinimdin xushalmen» dédi.
u: «bizning fédératsiye hökümet bolush süpitimiz bilen, bu qarargha kelgenlikimizni qizghin qarshi alimen. bu gérmaniyege ishense bolidighanliqini körsitip béridu» dédi.
polsha prézidénti andréjé duda 5-apréldiki ukraina pirézidénti wolodimir zélénskiyning warshawa ziyariti jeryanida, dölettiki barliq «MiG-29» tipliq ayropilanlarni ukrainagha yetküzidighanliqlirini élan qilghan idi.
gérmaniye 2002-yili sabiq sherqiy gérmaniye milliy xelq armiyesidin ötküzüwalghan 23 dane «MiG-29» küreshchi ayropilanini polshagha satqan idi.
gérmaniyedin miras qalghan «MiG-29» ayropilanlardin bashqa, polshaning herbiy iskilatliridimu, sabiq sowét sotsiyalistik jumhuriyetliri ittipaqi we sabiq chéxoslowakiye teripidin teminligen «MiG-29» tipliq ayropilanlar bar.
silowéniye buningdin ilgiri kiyéwgha töt dane «MiG-29» ayropilani yetküzgenlikini élan qilghan idi.
