awstriye: putin tewelikimizge qedem basqan teqdirde qolgha élinidu
awstriye tashqi ishlar ministirliqi rusiye pirézidénti wladimir putinning dölet (awstriye) tewelikige qedem basqan teqdirde qolgha élinidighanliqini jakarlidi.
türkiye awazi radiyosi xewiri: awstriye asasiy qanun we yawropa ittipaqi ishliri ministiri karolin édtstadlérning tünügün (12-aprél) gérmaniyening «tagéshshipigél» gézitige bergen «putinning awstriyege kelgen teqdirde qolgha élinidighanliqi» toghrisidiki bayanatidin kéyin, awstriye tashqi ishlar ministirliqi bayanat élan, rusiye pirézidénti wladimir putinning awstriyege kelgen teqdirde qolgha élinidighanliqini dellilidi.
«héchkim qanundin üstün emes. barliq jinayetler boshluq qaldurulmastin yorutulushi, jazasiz qalmasliqi kérek» dégen ibarilerge orun bérilgen bayanatta, bashqa döletlerge oxshashla awstriyeningmu xelqara jinayi ishlar sot mehkimisining qararlirini ijra qilish mejburiyiti barliqi tekitlendi.
bayanatta: «bu sotning tutush buyruqini ijra qilish we izdiliwatqan ademni nazaret astigha élishtin dérek béridu. bu elwette pirézidént putin üchünmu küchke ige» déyildi.
bayanatta yene, putinning sotning qararigha boysunidighan 123 eza döletke sayahetke bérish arqiliq bu xeterge tewekkul qilmaydighanliqighimu isharet qilip ötüldi.
