xitayning wuxen wirusi toghrisidiki doklati diqqet qozghidi

türkiye awazi radiyosi xewiri: xunen déngiz mehsulatliri we yawayi haywanlar baziri wuxen wirusining yiltizini tetqiq qilishning merkiziy nuqtisi boldi.

tetqiqat, wirusta yawa haywanlarning gén matériyali barliqini ashkarilidi.

bezi alimlarning éytishiche, bu késellikning eslide yuqumlanghan bir haywandin ademge yuqqanliqigha munasiwetlik yene bir ispatning barliqini bildüridiken.

«tebiet zhurnili» da élan qilinishtin ilgiri bashqa alimlar teripidinmu delillengen bu yéngi analiz, bazardiki tezgahlardin, kishilerdin, qepez we mashinilardin toplanghan bu ewrishkiler toghrisida téximu muhim tepsiliy mezmunlarni öz ichige alidu.

xitay guruppisining tetqiqati, yawayi haywanlar sétilidighan rayonlardin yighilghan bezi ewrishkilerning wirus tekshürüshide musbet chiqqanliqini körsitidu.

analizda yene, wirusning asan yuqidighanliqi bilinidighan haywanlarning, bolupmu rak itlirining bu jaylarda biwasite sétilghanliqini bildüridu.

biraq, xitay tetqiqatchiliri bularning yuqumning qandaq bashlanghanliqini toluq ispat bilen teminlimeydighanliqini alahide eskertidu.

élan qilinghan tetqiqat netijisi, amérika emeldarliri arisida wirusning tejribixanidin chiqip kétish nezeriyesi küchiyiwatqan weziyette élan qilindi.

xitay hökümiti wirusning ilmiy orundin kelgenliki toghrisidiki qarashlarni qetiy ret qildi.

amérika fédératsiye tekshürüsh idarisi we amérika énérgiye ministirliqi qatarliq organlar, hazir özlirining buning (tejribixana nezeriyesi) «éhtimalliqi eng chong» ehwal ikenlikige ishinidighanliqlirini élan qildi.