baxmutni talishish urushi shiddetlik dawamlashmaqta
texminen 14 aydin buyan dawamlishiwatqan ukraina-rusiye urushining eng shiddetliki donétsk aldinqi sépide bolmaqta.
türkiye awazi radiyosi xewiri: ukraina-rusiye armiyeliri otturisidiki urush, luxansk, xarkiw, xérson we zaporizhyada؛ eng shiddetlik urushlar bolsa, donétsk rayonining baxmut, awdéwka, marinka bilen uglédar sépide dawamlashmaqta.
ukraina armiyesining ötken yildiki (2022) xérson bilen xarkiw rayonida we donétskning port shehiride qozghighan qayturma hujumliridin kéyin, urush donétsk rayonigha merkezleshti.
istratégiyelik orungha ige baxmutta bolsa, bir qanche aydin buyan shiddetlik urushlar yüz bermekte.
rusiye armiyesi üch tereptin qorshawgha alghan we kocha urushliri dawamlishiwatqan baxmut, ukrainada urush qapsélip qalghan jaygha aylandi. awdéwka, marinka we baxmut urush sépidiki heriketler diqqet qozghimaqta bolup, tankalar, piyade eskerlerni toshuwatqan herxil herbiy aptomobillar téz sürette ötüshüp turidighan rayonda her daim partlash awazliri anglinip turidu.
aldinqi sepning oxshimighan nuqtiliridin kocha jengliri qizishiwatqan baxmutqa kelgen ukraina eskerlirining köplüki, bu sheherde shiddetlik urushning qandaq dawamlishiwatqanliqini körsitip béridu.
