firansiye zapas eskerlerning sanini köpeytidu
firansiye «mueyyen sewiyediki mutexessisler» ning 72 yashqiche wezipe ötishige ruxset qilishni qarar qildi.
türkiye awazi radiyosi xewiri: firansiye dölet mudapie ministiri sébastiyan lékornu (Sebastien Lecornu) «mueyyen sewiyediki mutexessisler» ning 72 yashqiche wezipe ötishige ruxset qilinghanliqini we zapas eskerlerning yéshini 70 ke chiqiridighanliqlirini élan qildi.
firansiye dölet mudapie ministiri sébastiyan lékornu bir téléwiziye qanilining ziyaritini qobul qilip: «nurghun süpetlik kishiler yash cheklimisi sewebidin özlirini siniptin qoghlanghandek hés qilidu, bu mentiqiliq emes. yash cheklimisini östürimiz. kishiler 70 yéshighiche, bezi mutexessisler 72 yéshighiche firansiye armiyeside zapas esker bolalaydu» dédi.
u firansiyening «özini qoghdiyalaydighan döletler kulubida qélishi» kéreklikini tekitlidi.
firansiyede bir zapas eskerning yash cheklimisi roligha asasen 60 tin 65 kiche bolidu.
firansiye yash cheklimisini östürüshtin bashqa, zapas eskerler sanini 40 mingdin 80 minggha köpeytishni nishan qilmaqta.
zapas eskerlerni közdin kechürüsh qarari, firansiyening herbiy xirajetlirini bu yil (2023) 43.9 milyard yawrodin 2030-yilghiche 69 milyard yawrogha qedemmu qedem chiqirishni qarar qilghan mezgilge toghra keldi.
