биразилийәдики кәлкүн вә тағ гүмүрүлүп чүшүш вәқәлиридә алтә киши қаза қилди

түркийә авази радийоси хәвири: биразилийәниң аҗре, амазонас, пара, рондонийә, токантин вә маранхоа иштатлириға йеқинқи бир һәптидин буйан қаттиқ тәсир көрситиватқан йамғур сәвәбидин бәзи шәһәрләрдә җиддий һаләт  елан қилинди.

мәсуллар кәлкүн вә тағ гүмүрүлүп чүшүш вәқәлиридә алтә кишиниң җенидин айрилғанлиқини, 50 миңдин артуқ кишиниң сәлбий тәсиргә учриғанлиқини билдүрди.

дөләтлик метерологийә институтиниң байанатида, йамғурниң давамлишидиғанлиқи вә қаттиқ боран чиқидиғанлиқи һәққидә агаһландуруш елан қилинди.

хәлқ мудапиәси 2500 кишиниң өй-маканлиридин айрилишқа мәҗбур болғанлиқини вә болупму аҗре иштатиға җиддий йардәмниң йәткүзүлүши керәкликини елан қилди.

издәш вә қутқузуш хизмәтлириниң давамлишиватқанлиқи уқтурулди.