seudi erebistan xitayda néfit ayrish we néfit-ximiye zawuti quridighan boldi
seudi erebistanning xitayda qurmaqchi bolghan néfit ayrish we néfit-ximiye zawutlirining orni uyghur rayonidimu yaki xitayning ichki qisimidimu? bu heqte éniq melumat bérilmidi.
türkiye awazi radiyosi xewiri: seudi erebistanning döletlik néfit shirkiti «seudi erebistan aramko» xitayda néfit ayrish zawuti we néfit-ximiye zawuti qurush arqiliq paaliyet bashlaydighanliqini élan qildi.
«seudi erebistan aramko» shirkitining yazma bayanatigha asaslanghanda, xitayning «norinko» we <penjin» shirketliri bilen ortaq teshebbus bashlighan. bu ortaq teshebbusning %30 i seudi erebistan aramko shirkitige, qalghan %51 i xitayning «norinko» shirkitige we %19 i «penjin» shirkitige tewe bolidiken.
shirketlerning ortaq meblegh sélishi bilen kündilik ishlepchiqirish iqtidari 300 ming warilgha yétidighan néfit ayrish zawuti, shundaqla yilliq ishlepchiqirish iqtidari 1 milyon 650 ming tonna étilén we 2 milyon tonna paraksiléngha yétidighan néfit- ximiye zawuti qurulidiken.
bu layihening zörür bolghan testiqliri tamamlanghandin kéyin, qurulushning bu yil (2023) apréldin kéyin bashliniishi pilanlanmaqta.
néfit ayrish we néfit-ximiye zawutlirining 2026 - yili ishqa kirishtürülüshi mölcherlenmekte.