firansiyediki pénsiye islahatigha qarshi namayishlar barghanséri kéngeymekte

türkiye awazi radiyosi xewiri: firansiyede pénsiye islahatigha qarshi ötküzülgen namayishlarda, saqchilar bilen chiqqan sürkilishler netijiside bir kishining barmiqining üzülüp ketkenliki ilgiri sürüldi.

«bash egmigen firansiye partiyesi» ning parlamént ezasi elma düfu (Alma Dufour) twittérda uchur hembehirlep, ghon (Rouen) shehiridiki namayishlarda yette kishining yarilanghanliqini bildürdi.

u yarilanghanlar arisida plastik qol bombisi sewebidin bash barmiqi üzülüp ketken  bir namayishchining barliqini qeyt qildi.

u barghanséri küchiyiwatqan saqchilarning zorawanliqini derhal toxtitish kéreklikini tekitlep: «hökümet bir kishi ölmestin pénsiye islahatini emeldin qaldurushi kérek» dédi.

paytext parizhdiki namayishlardimu saqchilar bilen namayishchilar otturisida sürkilishler yüz  berdi. bezi namayishchilar exlet sanduqlirigha ot qoyup berdi. aptobus béketlirini buzdi. yash aqquzush bombisi atqan saqchilargha, eynek shishe we bashqa jisimlarni étip inkas qayturdi.

ishchilar uyushmilirining pénsiye yéshini ikki yil ichide tedrijiy halda 64 ke chiqirishni nishan qilghan pénsiye islahatigha qarshi chaqiriq élan qilishi bilen, firansiye miqyasida keng kölemlik namayishlar partlighan idi.

namayishchilar hökümettin parlaméntta awazgha qoyulmayla qobul qilinghan islahattin waz kéchishni telep qilmaqta.

firansiyeda aldinqi qatardiki ishchilar we oqughuchilar uyushmiliri ortaq bayanat élan qilip, 28-mart namayish keng kölemlik namayish ötküzülidighanliqini bildürdi.

firansiye ichki ishlar ministiri jéghold deghmanna (Gerald Darmanin) namayishlarda eng az dégende 172 kishining qolgha élinghanliqini, 149 saqchining yarilanghanliqini bildürdi.

bash ministir élizabét borné twittérda, namayishlarda yüz  bergen zorawanliq we buzghunchiliq heriketlirini qobul qilghili bolmaydighanliqini qeyt qildi.