londonning dangliq kochisi ramizan munasiwiti bilen tunji qétim yorutuldi
engliyening paytexti londonning eng awat kochiliridin biri bolghan kowéntri kochisi ramizan éyi munasiwiti bilen tunji qétim alahide yorutuldi.
türkiye awazi radiyosi xewiri: london shehirining muhim sayahet rayonliridin biri bolghan kowéntri kochisi «ramizan éyinglargha mubarek bolsun!» dégen xet yézilghan 30 ming lampuchka bilen yorutuldi.
ramizan éyi munasiwiti bilen kowéntri kochisini 30 ming lampuchka bilen yorutush xizmiti london sheher bashliqi sadiq xan qatnashqan murasim bilen bashlandi.
igilinishiche, kowéntri kochisini 30 ming lampuchka bilen yorutush xizmitini «engliyening ramizan chiraghliri» jemiyiti öz üstige alghan bolup, buningdin meqset londonluqlarning ramizan éyigha bolghan tonushni östürüsh iken.
bu jemiyet mezkur xizmiti üchün héchqandaq heq almaydiken.
kowéntri kochisini 30 ming lampuchka bilen yorutush londonluqlardin bashqa, chet ellik sayahetchilerningmu zor qiziqishini qozghighan.
kowéntri kochisini 30 ming lampuchka bilen yorutush xizmiti bügündin bashlap 23 – aprélghiche shu jay waqti her küni chüshtin kéyin saet 5 din kéche saet 1 giche dawamlishidiken.
