saqchilarning firansiyediki namayishlarda tengpungsiz küch ishletkenliki bildürüldi

türkiye awazi radyosi xewiri: firansiye muressechilik we heq – hoquqni qoghdash komitéti <Ombudsman> ishxanisining pinsiye islahatigha qarshi namayishlargha munasiwetlik bayanatida, komitét bashliqi klaré hédonning namayishlarda saqchilarning tengpungsiz küch ishlitishi we tutqun qilish heriketlirining jiddiychilikni téximu kücheytiwétidighanliqini tekitligenliki bildürüldi.

bayanatta, klaré hédonning namayishlarda saqchilarning tertipni saqlashtiki kespiy qaidisige xilapliq qilghanliqigha dair ijtimaiy taratqulardiki süretler, xewerler, guwahchilarning bayanliri hemde fransiye muressechilik we heq – hoquqni qoghdash komitéti <Ombudsman> gha kelgen erzlerni körüp endishe qilghanliqi shundaqla firansiye dairilirini agahlandurghanliqi uqturuldi.

klaré hédonning saqchilar bilen amma otturisidiki jiddiylikni peseytish we ishenchni ashurush üchün kespiy exlaq qaidisige emel qilishning zörürlükini tekitligenliki qeyt qilindi.

firansiyede 16- marttin buyan 1200 qétim ruxsetsiz namayish ötküzüldi. memliket miqyasidiki namayishlarda yüzligen namayishchilar qolgha élindi.

pinsiye yéshi 1 - séntebirdin étibaren her 3 ayda bir tedrijiy östürülidighan bolüp, 2027 - yili 62 yashtin 63 yash we 3 aygha, 2030 -yili 64 yashqa chiqirilmaqchi bolghan idi.

firansiyede 2027-yildin étibaren  toluq pinsiye maishi élish üchün 43 yil ishligen bolush shert qilinidighan bolidu.