pirézidént baydin wuxen wirusi toghrisidiki qanun layihesini imzalidi

türkiye awazi radiyosi xewiri: amérika pirézidénti jo baydin mart éyining béshida jumhuriyetchiler bilen démokratlar kongrede awaz birliki bilen qobul qilghan wuxen wirusining yiltizigha munasiwetlik uchurlarning mexpiytlikini emeldin qalduridighan «wuxen wirusining yiltizi qanuni» namliq qanun layihesini imzalidi.

pirézidént jo baydinning yazma bayanatida, «kelgüsidiki wabalarning aldini téximu yaxshi élishimiz üchün wuxen wirusining yiltizini tetqiq qilishimiz kérek. xitaydiki wuxen wirus inistitutidiki yoshurun yip uchlirini öz ichige alghan halda, wuxen wirusining barliq mexpiy uchurlirini tetqiq qilish dawamlishidu» déyildi.

mezkur qanun, amérika dölet istixbarat idarisini wuxen wabasi tarqilishtin ilgiri wuxen wirus inistitutida qilinghan wuxen wirusi tetqiqatlirini yaki bashqa munasiwetlik paaliyetlerni tetqiq qilishqa yüzlendüridu.

kongrede jumhuriyetchiler qaniti waba tarqalghandin tartip 1 milyondin artuq amérikaliqning ölümige seweb bolghan wuxen wirusining, xitayning wuxen shehiridiki bir tejribixanidin chiqqanliqini ilgiri süridu. hökümet mesulliri bolsa, wirusning tejribixanidin tarqalghanliqi yaki haywanlardin yuqqanliqigha qarita temkinlik bilen muamile qilmaqta.