putin: turuba yolini ukrainaliqlarning partlatqanliqi toghrisidiki xewerler quruq gep

türkiye awazi radiyosi xewiri: rusiye pirézidénti wladimir putin  «Rossiya-1» qanilida, ötken yili (2022) shimaliy éqim tebiiy gaz turuba yolida yüz bergen partlashlar toghrisida toxtaldi.

u gherb taratquliridiki turuba linyelirining bezi ukraina guruppiliri teripidin partlitilghanliqi toghrisidiki xewerlerni ret qilip: «bularning quruq gep ikenlikige ishinimen. bundaq intayin chongqurluqtiki we nahayiti küchlük partlashni, mutexessisler, shundaqla mueyyen téxnologiyelerge ige döletning pütün küchi bilen qollishi astida emelge ashurghili bolidu» dédi.

u gherb döletlirining bundaq partlitishni emelge ashuralaydighanliqini ishare qilip, amérikaning buninggha chétishliq ikenlikini qeyt qildi.

u: «rusiye gazidin %30-25 qimmet bolsimu, özining gazini hetta suyuqlandurulghan tebiiy gazini ewetish üchün, elwette nezeriye jehette amérika buninggha chétishliq» dédi.

u tashqi körünüshi jehettin qarighanda, turuba linyesi boyiche bir qanche partlighuchning orunlashturulghanliqini, bezilirining éniq bolmighan seweb tüpeylidin partlimighanliqini eskertti.

u shimaliy éqim tebiiy gaz turuba yolidiki partlashning nahayiti chong partlash ikenlikini, bir qisim turuba yolining parchilanghanliqini bildürüp, turubilarni rémont qilishning asan bolmaydighanliqini, dunyada yüz bergen bundaq chong hadisedin kéyin, bu xil sistémilar rémont qilinghan örneklerning yoqluqini qeyt qildi.