ebu sufyan: rohingiya musulmanliri turushluq lagérdiki ot apiti؛ pilanliq buzghunchiliq
bangladishning kokis bazar shehiridiki rohingiya musulmanliri turushluq lagérda 5 – martta yüz bergen ot apitining «pilanliq buzghunchiliq herikiti» ikenliki élan qilindi.
türkiye awazi radiyosi xewiri: 2017 - yili birmadiki qirghinchiliqtin qachqan 1 milyondin artuq rohingiya musulmanlirigha sahibxanliq qiliwatqan bangladishtiki kokis bazar shehiri 11 - lagér (baluxali lagéri) da 5 – martta yüz bergen ot apitining «pilanliq buzghunchiliq herikiti» ikenliki élan qilindi.
yette kishilik tekshürüsh heyitining reisi shundaqla rayonluq hökümetning yuqiri derijilik emeldari ebu sufyan metbuatlargha bergen bayanatida: «bu ot apiti pilanliq buzghunchiliq herikiti idi» dédi hemde oxshash birla waqitta, bir qanchilighan yerge ot ketkenlikining éniqlanghanliqini we buning pilanliq heriket ikenlikini éytti.
ebu sufyan doklatning teyyarlinishida, 150 shahitning guwahliqining asas qilinghanliqini bildürüp, ot apitining guruppilarning lagérda üstünlük hasil qilish urunishigha chétishliq qesten chiqirilghan weqe ikenlikini bildürdi.
baluxali lagérida 5 – martta yüz bergen ot apitide, 2800 ge yéqin öydin bashqa yene, doxturxana we terbiyilesh merkerliri qatarliq 90 din artuq muessiselermu köyüp kül bolghan, 12 mingdin artuq kishi öy-makansiz qalghan idi.
