amérika kowid-19 ning kélip chiqish menbesige dair uchurlarni ashkarilash qanunini maqullidi

türkiye awazi radiyosi xewiri: amérika awam palatasi amérika döletlik istixbarat idarisi (DNI) diréktorining kowid -19 wirusining kélip chiqishigha munasiwetlik istixbarat uchurlirini amma bilen ortaqlishishni mezmun qilghan qanun layihesige bélet tashlidi؛ qanun layihesi barliq palata ezalirining qollap bélet tashlishi netijiside maqullandi.

kowid -19 wirusi wuxen wirus institutidin chiqqan bolushi mumkin dep qarashning asasi barliqi otturigha qoyulghan qanun layiheside, DNI kowid -19 ning kélip chiqishi toghrisidiki uchurlarni amma bilen ortaqlishishqa chaqirildi.

layihede yene, wuxen institutidiki tetqiqatchilargha munasiwetlik uchurlarningmu élan qilinishi telep qilindi.

«wal kochisi géziti», amérika énérgiye ministirliqining yéqinda aqsaray we palataning muhim ezalirigha sunghan mexpiy istixbarat doklatigha asaslinip, kowid -19 ning xitaydiki tejribixanidin éhtiyatsizliqtin éqip chiqip ketken bolushning küchlük éhtimalliq ikenlikini ilgiri sürgenidi.

amérika dölet bixeterlik meslihetchisi jeyk sulliwan istixbarat saheside bu mesilide oxshimighan köz qarashlarning barliqini, emma jezmleshtürülgen yéterlik uchur yoqluqini éytti.

fédératsiye tekshürüsh idarisi bashliqi kristofir wray özlirining kowid -19 ning «xitaydiki tejribixanidin éhtiyatsizliqtin éqip ketken bolushi küchlük éhtimalliq» dep qaraydighanliqini bildürgenidi.