israiliye eskerliri üch pelestinlikni öltürdi

türkiye awazi radiyosi xewiri: israiliye eskerliri ishghal astidiki  iyordan deryasining gherbiy qirghiqigha jaylashqan jénin shehirige hujum qildi.

israiliye eskerliri jénin shehirining jaba kenti etrapidiki elfewwara rayonigha ögzilerge mergenlerni orunlashturup hujum qilip, üch pelestinlikni öltürdi.

israiliye armiyesi bu yilning bashliridin buyan pelestinliker köp sanliqni teshkil qilidighan ishghal astidiki  iyordan deryasining gherbiy qirghiqining oxshimighan jaylirigha hujum qilish we tutqun qilish herikitini kücheytti.

igilinishiche, israiliye eskerliri hujumlargha naraziliq bildürgen pelestinliklerge oq chiqirish arqiliq mudaxile qilidiken.  

iyordan deryasining gherbiy qirghiqinining shimalidiki bolupmu jénin we nablus qatarliq rayonlardiki pelestinlik qoralliq guruppilar bilen israiliye eskerliri otturisida daim dégüdek toqunushlar yüz béridiken.