amérikada xitay hariqidin nurghun oqughuchilar zeherlendi

türkiye awazi radiyosi xewiri: amérikaning massachuséts unwérsititida «TikTok BORG trendi» sewebidin zeherlengen nurghun oqughuchilar doxturxanida dawalash astigha élindi.

massachuséts unwérsititi mesullirining éytishiche, oqughuchilar qatnashqan köngül échish kéchilikide «TikTok BORG trendi» keltürüp chiqarghan haraqni köp ichish sewebidin 28 qutquzush mashinisi neq meydangha ewetilgen.

dairiler zeherlengen oqughuchilarning hayatiy xewpning yoqluqini eskertip, weqening éghirliqi sewebidin rayondiki nurghun dölet organlirining seperwerlikke kelgenlikini eskertti.

yerlik saqchilar bu weqege chétishliq ikki kishining tutulghanliqini éytti.

massachuséts unwérsititi mesullirining weqege munasiwetlik élan qilghan bayanatida, hepte axiridiki paaliyetlerning közdin kechürülidighanliqi we ispirtliq ichimlikke ait telim-terbiyening kücheytilidighanliqi qeyt qilindi.

bayanatta, uniwérsitétta oquwatqan oqughuchilarning haraqni köp ichishtin kélip chiqqan pisxika we saghlamliq xewipi toghrisida terbiye alghanliqi eskertildi.

amérikadiki uniwérstétlarda yéqinqi künlerde pat-pat körülidighan «TikTok BORG trendi», xitay ijtimaiy taratqu supisida «ziyini azaytilghan» ichimlik ichish usuli wede qilghan yéngi moda.

«qarangghu ghezep gallon» menisini bildüridighan borg (BORG), su, wotka, kofféin tatliq tem tengshigüch we éléktrolit bilen yasalghan ispirtliq ichimlikni körsitidu.