daniye parlaménti chiqimni téjesh üchün diniy bayramni emeldin qaldurush teklipini testiqlidi

türkiye awazi radyosi xewiri: 179 kishilik daniye parlaméntida parlamént ezaliri chiqimni téjesh we mudapie xiamchotini ashurush üchün paskal bayrimidin kéyinki 4 - jüme küni tebriklinidighan «teshekkür éytish diniy bayrimi» ning resmiy dem élish küni bolushini emeldin qaldurush qanun teklipi üchün bélet tashlidi.

bu qanun teklipi parlaméntta öktichiler, ishchilar uyushmiliri we diniy zatlarning qattiq naraziliqigha qarimastin, 68 ret awazgha qarshi 95  qollash béliti bilen maqullandi.

bu bayramning bikar qilinishi arqiliq téjep qalghili bolidighan chiqimning her yili texminen 426 milyon dollar bolidighanliqi bildürülmekte.

öktichi parlamént ezaliri bu qanun layihesini «exmeqlarche», «saranglarche» we «pütünley xata» dep bahalidi, emma buni omumiy xelqning awazigha qoyush teklipide pikir birliki hasil qilalmidi.

nurghunlighan parlamént ezaliri bayramning bikar qilinishi bilen karxanichilar we ishchilar uyushmisi otturisidiki ish heqqi we xizmet sharaiti toghrisidiki söhbetning murekkepliship kétishidin endishe qilidighanliqini bildürüshmekte.