amérikada wuxen wirusining xitay tejribixanisidin chiqqanliqigha dair yekün chiqirildi
amérikaning xitayda turushluq bash elchisi nikolas burns xitayning kowid-19 wirusining menbesi toghrisida «téximu semimiy» bolushi kéreklikini éytti.
türkiye awazi radiyosi xewiri: amérika metbuatlirining xewirige asaslanghanda, fédératsiye tekshürüsh idarisining bir xadimi xitayning wuxen wabasidiki wirusning tejribixanidin kélip chiqqan bolushi mumkinlikige dair tetqiqat netijisini doklat qilghandin kéyin, amérikaning xitayda turushluq bash elchisi nikolas burns mezkur bayanatini élan qilghan.
xitay bolsa, bu eyibleshlerge qarita «kowid -19 siyasiylashturulmasliqi kérek» dep jawab qayturghan.
burnis düshenbe (27-féwral) amérika soda uyushmisining yighilishida söz qilip: «xitay üch yil ilgiri wuxende yüz bergen ishlar we kowid -19 kirizisining menbesi toghrisida téximu semimiy bolushi kérek» dédi.
amérika metbuatlirining bayanatida, amérika énérgiye ministirliqi mexpiy istixbarat delil - pakitida, wirusning éhtiyatsizliqtin xitay tejribixanisidin chiqip ketkenlikige dair yekün chiqirilghanliqi bildürüldi.
aqsaray dölet bixeterlik bayanatchisi jon kirbi düshenbe küni kechte buinggha jawab bérip, amérika hökümitining bu mesile toghrisida éniq birer qarar chiqarmighanliqini éytqan idi.
