firansiyede bir qisim parlamént ezalirining kéngesh yighinigha mes halette kirishi talash-tartish qozghidi
firansiyede bir qisim parlamént ezalirining dölet mejlisi omumiy kéngishi yighinigha mes halette qatnishishi talash-tartish peyda qildi.
türkiye awazi radiyosi xewiri: yéqindin buyan qattiq munazire qiliniwatqan pénsiye yéshi islahati qanuni muzakire qilinmaqchi bolghan dölet mejlisi omumiy kéngishi yighinigha, bir qisim parlamént ezalirining yighin arisidiki dem élish waqtida, parlamént réstoranida haraq ichkendin kéyin xudini yoqitip qoyghanliqi otturigha chiqti.
haraq ichken bezi parlamént ezalirining parlamént binasigha qusqanliqi, kichik teret qilghanliqi, hetta omumiy kéngesh yighinlirida malimanchiliq chiqiridighan heriketlerde bolghanliqi bildürüldi.
milliy ittipaqliq partiyesining parlamnént ezasi sébastiyén chénu qatarliq bezi parlamént ezaliri parlaméntta mueyyen waqittin kéyin, ezalarning haraq ichishige cheklime qoyush kérekliki heqqide teklip sundi.
parlamént bashliqi yal brawn piwt partiye guruppa rehberliridin ezalirigha parlaméntqa kelgende özini ongshapraq kirish heqqide agahlandurush bérishi lazimliqini telep qildi.
brawn-piwit yene, omumiy kéngesh yighini jeryanida, haraqni cheklesh mesilisini ayrim muzakire qilishni tewsiye qildi.
parlamént yighinlirigha bezi parlamént ezalirining mes halette qatnishishi ijtimaiy taratqularda ghulghula qozghighan idi.
