salwadorda amérika qitesi boyiche eng chong türme ishqa kirishtürüldi
ottura amérika döliti salwadorning pirézidénti nayib bukéléning buyruqi bilen yasalghan 40 ming kishilik séghimchanliqqa ige amérika qitesi boyiche eng chong türmige 2000 neper jinayet guruhliri ezasi yötkeldi.
türkiye awazi radiyosi xewiri: pirézidént bukélé tiwittér hésabidiki yazmisida, jinayet guruhlirigha qarshi küreshte iptixarlinishqa tégishlik bixeterlik sewiyesige yetkenlikini éytti.
bukélé yuqiri derijilik bixeterlik iqtidarigha ige qilinghan bu chong türmining sinalghusini tiwittér hésabida hembehirlep: «bu yer jinayetchilerning xelqke ziyan yetküzmestin, onlighan yil arilashma halette yashaydighan yéngi öyliri bolidu» dédi.
edliye we bixeterlik ministiri gustaw willatoro bu heqtiki bayanatida, <térrorluqtin muhapizet qilish merkizi (CECOT)> dep teriplengen bu türmining qurulushining tamamlanghanliqini bildürüp, «bu rakni hujeyrimu - hujeyre jemiyettin tazilawatimiz. silerni tashlimaydighanliqimizni bilinglar, qorqunchaq térrorchilar bolghanliqinglarning bedelini töleysiz» dédi.
san salwadordin 74 kilomitir yiraqliqtiki tékoluja yézisidiki bir jilghigha 166 géktar yerge qurulghan méga (katta) türme 2 - féwralda échilghan idi.
jinayet guruhlirigha qarshi küresh üchün yasalghan we amérika qitesi boyiche eng chong türme hésablinidighan «térorluqtin muhapizet qilish merkizi» pirézidént bukélé teripidin échilghan idi.
san salwadordiki mewjut türme sighimchanliqining texminen 30 ming kishilik ikenliki melum.
salwadorda 27 - martta bir ayliq jiddiy halet élan qilinghan bolup, kéyin bu qarar her ayda bir yéngilanghan idi.
pirézidént bukélé 30 - iyunda qoralliq shaykilargha qarshi urushning küchiyidighanliqini éytqan idi.
