ukraina-rusiye urushi bir yilni arqida qaldurdi

türkiye awazi radiyosi xewiri: yawropa ittipaqining xizmet binaliri ukraina bayriqining renggige pürkeldi. yawropa ittipaqining idare-organliri jaylashqan bélgiye paytexti biryusséldiki shumen (Schuman) meydanida shamlar yéqildi, urushta jénidin ayrilghan kichik balilar üchün shamlarning yénigha oyunchuqlar qoyuldi.

yawropa ittipaqi kéngishi bayanat élan qilip, ukrainani qollashni dawamlashturidighanliqlirini tekitlidi.

gérmaniye paytexti bérlinda ukraina-rusiye urushining bir yilliqini xatirilep yéqilghan shamlar bilen tinchliq belgisi hasil qilindi.

firansiye paytexti parizhdiki éfil munari ukraina bayriqining renggi bilen yorutuldi.

engliye paytexti londondiki trafalgar (Trafalgar ) meydanida ukrainani qollash paaliyiti ötküzüldi. bir guruppa paaliyetchiler rusiyening engliyediki elchixanisi aldidiki yolni ukraina bayriqining renggide boyidi.

b d t omumiy kéngishimu ukrainani qollidi. kéngeshte, rusiyening ukrainadin derhal chiqip kétishi chaqiriq qilinghan qarar layihesi qobul qilindi. qarargha yette dölet ret awazi berdi, 141 dölet qollap awaz berdi, 32 dölet hoquqidin waz kechti.

b d t omumiy kéngishining qarari mejburlash küchige ige emes.

ukrainani herbiy jehettin qollashmu dawam qilmaqta.

amérika ukrainagha 2 milyard dollar qimmitide qoshumche xewpsizlik yardimi qilidighanliqini élan qildi.

xitay hökümiti «xitayning tinchliq pilani» dep atighan 12 maddiliq bayanatini élan qildi.

xitayning bayanatida, barliq döletlerning milliy igilik hoquqigha hörmet qilish, diyalog we urush toxtitish chaqiriq qilindi. emma, rusiyening ishghal qiliwalghan rayonlardin chékinishi, ukrainaning natogha eza bolushi yaki eza bolushtin waz kéchishi qatarliq konkrét mesililer tilgha élinmidi.

xitayning bayanatida, türkiye bilen b d t bashchiliqida hasil qilinghan kélishimni dawamlashturush telep qilindi.