sisi bilen zélénskiy ukraina we yémek-ichmek mesililirini muzakire qildi

türkiye awazi radiyosi xewiri: misir pirézidéntliq mehkimisi sisi bilen zélénskiyning téléfonda körüshkenliki toghrisida bayanat élan qildi. bayanatta, ukrainadiki urush we insaniy mesililerdin bashqa, dunya yémek-ichmek bixeterlikiningmu muzakire qilinghanliqi bildürüldi.

bayanatta, misir pirézidénti sisi diyalog we mesilini diplomatik usullar bilen hel qilish kéreklikini eskertip, bir yildin buyan dawamlishiwatqan ukraina-rusiye kirizisini siyasiy yol bilen hel qilish süritini tézleshtüridighan barliq tirishchanliqlarni qollaydighanliqlirini bildürgenliki qeyt qilindi.

misir yilliq bughday éhtiyajining %80 ni import qilidighan bolup, dunyada eng köp bughday import qilidighan dölet hésablinidu.

misir yéza igiliki ministirliqining melumatlirida körsitilishiche, misir ötken yili (2022) 13.3 milyon tonna bughday import qilghan. buning 8.96 tonnisini eng chong ashliq teminligüchisi rusiyedin import qilghan.

türkiye ukraina bilen rusiyening diplomatik uchrishishlirigha we ashliq toshush üchün muressechilik qilish tirishchanliqlirini dawamlashturmaqta.

b d t bilen türkiyening muressechiliki sayisida, ashliq karidori kélishimi 2022-yili 22-iyul istanbulda imzalandi.