biraziliyede kelkün we yer köchüsh apetliride 48 kishi öldi
biraziliyening saw pawlo ölkiside qara yamghur keltürüp chiqarghan kelkün we yer köchüsh apetliride hayatidin ayrilghanlar sani 48 ge yetti.
türkiye awazi radiyosi xewiri: saw pawlo ölkisi mesullirining bildürüshiche, 18 – féwraldin buyan dawamlishiwatqan kelkün apetliride hayatidin ayrilghanlar sani 48 ge yetken bolup, 36 kishini izdesh - qutquzush paaliyetliri dawamlashmaqta iken.
ölkilik puqrawi mudapie ishliri maslashturghuchisi héngél rikardo péréyraning xewer qilishiche, texminen 3000 kishi apet rayonidin tarqaqlashturulghan bolup, qara yamghur sewebidin izdesh - qutquzush paaliyetliri müshkül sharaitta dawamlashmaqta iken.
igilinishiche, apet rayonigha herbiy tik uchar ayropilan bilen insanperwerlik yardem buyumliri yetküzüp bérilmekte iken.
biraziliye pirézidénti luiz inako lula da silwa 21 – féwral küni apet rayonigha yétip bérip, tik uchar ayropilan bilen apet rayonining ehwalini hawadin közdin kechürgenidi.
