engliyede heptide töt kün xizmet qilish yolgha qoyuldi
engliyede «heptide töt kün xizmet qilish siniqi» gha qatnashqan nurghunlighan engliye shirketliri alte ayliq sinaq pilanini uzun muddetlik halgha keltürdi.
türkiye awazi radyosi xewiri: «BBC» ning xewirige asaslanghanda, engliyede paydini meqset qilmaydighan «heptide töt künlük yershari» namliq ammiwi teshkilat teripidin bashlanghan we alte ay boyiche 3 mingdin artuq xizmetchi heptide töt kün ishligen asasliq sinaq pilanigha dair doklatta, heptide töt kün ishleshning bolupmu xizmetchilerning xushal - xoramliqi üchün «keng paydisi» barliqi otturigha chiqqan.
sinaqqa qatnashqan 61 shirkettin 56 si emdilikte heptide töt kün ishleshni dawamlashturidighanliqini jakarlighan.
doklatning omumiy netijisi arisida, xizmetchilerning késel ikenlikini doklat qilish éhtimalliqi bir qeder töwenligen, xojayinliri bilen bille turushqa mayil bolush nisbiti ashqan, xizmetchi qobul qilish tennerxi töwenligen, xadimlarni terbiyeleshning téximu qimmetlik halgha kélishi aldinqi pilangha chiqqan.
engliye miqyasida alte ish béjirish orni bar bolghan muhit asrash meslihetchilik shirkiti «Tyler Grange» mu özlirining bu yéngi xizmet modélini dawamlashturidighanliqini élan qilghan.
bash diréktor simon ursél xizmet etritining xushalqining ashqanliqini, ishqa kelmeslik nisbitiningmu üchtin ikki hesse töwenligenlikini we shirketke xizmet iltimasi sunidighanlarningmu sani ashqanliqini bildürgen.
sinaq netijisi kambrij uniwérsitéti, oksford uniwérsitéti we boston instituti tetqiqatchiliri teripidin bahalap chiqilghan.
