konakowich apet rayonida körgenliri toghrisida toxtaldi

türkiye awazi radiyosi xewiri: bosniye-gértségowina tashqi ishlar ministiri konakowich türkiye we gérmaniye ziyaretliridin kéyin paytext sarayéwuda muxbirlarni kütüwélish yighini ötküzüp, uchrishishliri toghrisida melumat berdi.

6 – féwral (2023) qahramanmarashni merkez qilip yüz bergen «esirning apiti» dep atalghan yer tewreshlerdin kéyin, ötken hepte türkiyege kélip paytext enqere we hatayda ziyarette bolghan konakowich, izdesh – qutquzush xizmetlirige ishtirak qiliwatqan bosniye - gértségowina etritige rehmet éytqanidi.

u özining yer tewresh rayonida nahayiti azabliq körünüshlerge yoluqqanliqini bildürüp: «men insan eqli teswirligüsiz alahide héssiyatlar bilen qaytip keldim. bu arqa körünüshte, bu yerdin barghan etretler heqiqeten kishining ishengüsi kelmeydighan xizmetlerni qildi» dédi.

bosniye-gértségowinaning izdesh we qutquzush xizmitide eng aktip döletlerning biri ikenlikige isharet qilghan konakowich: «biz san jehettimu aldinqi orunda turduq, yardem etretlirimizdin pexirlinimiz» dégenlerni qeyt qildi.

bosniye – gértségowinaning 234 ademdin terkib tapqan 13 etritining yer tewreshning birinchi künidin bashlapla izdesh - qutquzush xizmitige qatniship, 26 ademni xarabiliktin qutuldurup chiqqanliqi bildürülgenidi.