apet rayonlirigha qiliniwatqan yardemlerning ayighi üzülmidi

türkiye awazi radiyosi xewiri: türkiyening moskwadiki elchixanisi toplanghan insanperwerlik yardemliri toghrisida bayanat élan qildi.

bayanatta: «apetke uchrighanlargha iane qilghanlargha, yardemlerni qachilap ayrodurumgha yötkeshke yardem qilghanlargha we ünümlük xizmet qilghanliqi sewebidin türkiye hawa yolliri shirkitining xadimlirigha teshekkür éytimiz» déyildi.

bosniye-gértségowina katolik jamaiti türkiye bilen süriyede yer tewresh apitige uchrighanlar üchün yardem yighdi.

bosniye-gértségowina katolik jamaiti memliket miqyasida ötküzülgen yekshenbilik murasimda, jamaet ezalirini türkiye bilen süriyede apetke uchrighanlargha yardem qilishqa chaqirdi. paytext sarayéwudiki «eysaning qelbi katédrali» da yardem sanduqi échildi. katolik jamaitining murajietnameside mundaq déyildi:

«apetke uchrighanlargha maddiy we meniwi jehettin yardem qilidighanliqimizni bildürüshni xalaymiz, apette jénidin ayrilghanlarning rohigha atap dua qilimiz, türkiye we süriye xelqlirige qiliniwatqan yardemlerge qétilishni xalaymiz.»

sérbiye hökümiti 29 dane qishliq chédir, 500 ediyal, ikki issitqu, 50 dane köchme hajetxana, bir générator, besh kishilik 150 dane ashxana üskünisi, 500 plastik chilektin terkib tapqan  insanperwerlik yardemlirini türkye hawa yollirining ayropilani bilen türkiyege ewetti.

nato türkiyediki apet rayonigha ewetilidighan 1000 din artuq kontéynér öydin 600 i bésilghan paraxotning italiyedin yolgha chiqqanliqini élan qildi. bildürülishiche, kontéynér öylerde 4 ming kishi waqitliq panahlinalaydiken.

ereb birleshme xelipiliki türkiye bilen süriyede apetke uchrighanlar üchün yighilghan yardemlerni toshughan ayropilan qétim sanining 118 ge yetkenlikini uqturdi.

ereb birleshme xelipilikining wam (WAM) aeéntliqi türkiyege 42 ayropilan qétim, süriyege 76 ayropilan qétim, yémek-ichmek, tébbiy malzimiler we chédirlardin terkib tapqan 3 ming 375 tonna yardemning yetküzülgenlikini xewer qildi.

afriqa döliti ugandada yashaydighan musulman oqughuchilar türkiyediki apet üchün 10 ming dollar yardem ewetti.

amérikada yashaydighan pakistanliq doxturlar apetke uchrighanlargha 365 ming dollardin artuq neq pul iane qildi.