biraziliyede yüz bergen tagh gümürülüp chüshüsh weqeside 35 kishi qaza qildi

türkiye awazi radiyosi xewiri: biraziliye san pawlo ölke mesulliri teripidin élan qilinghan bayanatta, apette yette yashliq bir kichik balini qoshqanda, kem dégende 35 kishining qaza qilghanliqi bildürüldi.

izdesh we qutquzush etretlirining rayondiki xizmetlirini dawamlashturuwatqanliqi, yene bir tereptin taqilip qalghan yollarning qaytidin échiliwatqanliqi uqturuldi.

qattiq yamghur keltürüp chiqarghan tagh gümürülüp chüshüsh weqesi sewebidin san sébastiyaw, ubatuba, ilhabéla we bértiyogada rio karniwal bayrimi dairiside ötküzülmekchi bolghan tebriklesh paaliyetliri emeldin qalduruldi.

sheher bashliqi félipé awgusto san sébastiyawda nurghun kishining ghayib bolghanliqini, 50 din artuq öyning örülüp chüshkenlikini bildürüp: «qutquzush etritimiz bir qanche rayongha baralmaywatidu, bu intayin murekkep weziyet» dédi.