awistiriye tashqi ishlar ministiri qahramanmarashtiki yer tewresh üstide toxtaldi

türkiye awazi radiyosi xewiri: shallénbérg myunxén bixeterlik kéngishi yighini jeryanida élan qilghan bayanatida, awistiriyening 6-féwraldiki yer tewreshtin kéyin derhal izdesh we qutquzush etritini türkiyege ewetkenlikini hemde yer tewreshke uchrighuchilargha insanperwerlik yardimi yollighanliqini éytti.

aléksandér shallénbérg, «yéqinliridin ayrilghan barliq aililer bilen birge bizningmu yürikimiz azablandi. bu apette éhtiyajliq birla nerse bar, u bolsimu toluq hemkarliq. türkiye xelqi bizge we hemkarliqimizgha ishense bolidu» dédi.

shallénbérg yawropa ittipaqi döletlirining tashqi ishlar ministirliri toplunup düshenbe küni bélgiyening paytexti biryussélda ötküzidighan yighinda türkiyege téximu köp yardem bérishni muzakire qilidighanliqini éytti.

shallénbérg, «ishinimenki , hemmimiz bu (yer tewresh) ning türkiye we süriye xelqi üchün heqiqiy éghir apet bolghanliqini bilimiz. qoshnilar bolush süpitimiz bilen hemkarliqimizni körsitish we éhtiyajliq kishilerge yardem qilish biz yawropaliqlarning yelkisidiki mejburiyitimizdur» dédi.