baydin jasusluq shari we étip chüshürüwétilgen uchar jisimlar toghrisida toxtaldi

türkiye awazi radiyosi xewiri: amérika pirézidénti jo baydin washingtonning, asmanda bayqalghandin kéyin amérika armiyesi teripidin étip chüshürüwétilgen axirqi üch jisimni «xususiy shirketlerning jasusluq alahidiliki bolmighan jisimliri» dep qarawatqanliqini bildürdi.

jo baydin 4- féwral étip chüshürülgen xitayning «jasusluq shari», arqidin amérika hawa tewelikide bayqilip étip chüshürülgen üch uchar jisim heqqide bayanat bérip, étip chüshürüwétilgen birinchi shardin bashqa üch uchar jisimning jasusluq meqsetlik emeslikini otturigha qoydi.

washingtonning kéyinki üch uchar jisimni xususiy shirketlerning tetqiqat yaki köngül échish meqsetlik sharliri, dep qaraydighanliqini bildürgen baydin, istixbarat (dölet bixeterlik) tarmaqlirining tekshürüshlirining dawam qiliwatqanliqini qeyt qildi.

baydin uchar jisimlarni étip chüshürüwétishning igilik hoquq bilen munasiwetlik ikenlikini, her qandaq terepning amérikaning igilik hoquqigha dexli - teruz qilishini qobul qilghili bolmaydighanliqini tekitlidi.

u dölitige xewp yetküzidighan her qandaq nersini qetiylik bilen étip chüshürüshni dawamlashturidighanliqlirini sözlirige ilawe qildi.