somali hökümiti eshshebabqa éghir zerbe berdi
somali hökümiti eshshebab térrorluq teshkilatigha qarshi élip bériliwatqan yéqinqi bir heptidin buyanqi zerbe bérish heriketliride, teshkilatning 188 ezasining bir terep qilinghanliqini uqturdi.
türkiye awazi radiyosi xewiri: somali uchur – axbarat ishliri ministiri dawud aweys jama eshebabqa qarshi élip bériliwatqan zerbe bérish herikitide zor ghelibining qolgha keltürülgenlikini bildürüp, mudug rayonida 170, töwenki shabél rayonidiki hawadin zerbe bérish herikitide 18 bolup, eshshebab teshkilatining jemiy 188 ezasining bir terep qilinghanliqini éytti.
yene bir tereptin, somali hökümiti yéngi tedbirlerni qollinip, teshkilatning dölet ichide keng kölemde ishlitiliwatqan téléfon arqiliq pul yötkeshning aldini aldi.
hökümet barliq télégraf shirketliri we köchme pul mulazimiti bilen teminligüchilerge her bir xéridarning resimi bilen barmaq izini élishini shert qildi, kündilik pul aghdurush miqdarighimu cheklime qoyuldi.
somali armiyesi eshshebab teshkilatigha qarshi yéqinqi yette aydin buyan dawamlashturuwatqan zerbe bérish herikiti jeryanida körünerlik ilgirileshlerni qolgha keltürüp, nurghun olturaq rayonlarning kontrolluqini eslige keltürdi.
