minglarche kishi «aya bowaq»ni béqiwélishni xalaydighanliqini bildürdi

türkiye awazi radiyosi xewiri: süriyening afrin rayonining jinderes baziridiki bir xarabilik astida tughulghan aya (möjize) bowaq, qutquzuwélinghanda kindiki anisi bilen tutash idi. aya bowaqning anisi, dadisi we töt qérindishi xarabilik astida qélip jénidin ayrildi.

aya bowaq hazir doxturxanida közitilmekte؛ bowaqning halidin xewer éliwatqan balilar doxturi hani marofning éytishiche, bowaq düshenbe küni (6-féwral) intayin nachar halette doxturxanigha élip kélingen bolup, hazir uning ehwali yaxshi iken.

ayaning qutquzush körünüshliri ijtimaiy taratqularda keng hembehrilendi. körünüshlerde, bir kishi chang – tozan ichidiki bir bowaqni kötürüp chiqiwatatti. mezkur ayalining yiraq tughqini xelil suweydi, bowaq xarabiliktin chiqirilghandin kéyin, uni afrindiki doxturxanigha élip bardi.

ijtimaiy taratqulardiki minglighan kishiler bu balini qandaq béqiwalalaydighanliqini soridi؛ doxturxana diréktori doxtur etiyye xalid, dunyaning her qaysi jayliridin ayani béqiwélishni xalaydighan kishilerning téléfonini qobul qilghanliqini bildürdi.

özining ayadin töt ayliq chong bir bowiqi barliqini bildürgen xalid: «men hazir héchkimning uni béqiwélishigha yol qoymaymen. uni yiraq tughqanliri qaytip kelgüche, öz balamdek baqimen» dédi.

ayaning yurti jinderes ahalisi hazirmu xarabilik astidiki yéqinlirini izdimekte.

mezkur bazardiki zhurnalist muhemmed el adnan BBC ge bayanat bérip: «weziyet qorqunchluq. xarabilik astida nurghun adem bar. ularni hazirghiche chiqiralmiduq» dédi.