rusiye birma bilen yadro hemkarliqi kélishimi imzalidi
rusiye bilen birma otturisida yadro téxnikisini ishlitish hemkarliqini ashurush üchün hökümetler ara kélishim imzalandi.
türkiye awazi radiyosi xewiri: rusiye döletlik yadro énérgiye orgini-rosatom (Rosatom) ning bayanatigha asaslanghanda, rosatom bilen birma pen-téxnika ministirliqining ortaq lahiyesi bolghan birmaning yanggondiki yadro téxnika uchur merkizide imza qoyush murasimi ötküzülgen.
kélishim ramkisida, rusiye bolupmu kichik yadro éléktr istanssilirini qurushta birma bilen hemkarlishidu. resmiy imza qoyush murasimidin kéyin, rusiye dölet yadro énérgiye orgini-rosatomning bash diréktori alékséy lixachéw birma téxnika uniwérsitétliri oqughuchilirigha yadro téxnikisi toghrisida léksiye sözlidi we oqughuchilarning soallirigha jawab berdi.
bayanatta, alékséy lixachéwning qarashlirigha alahide orun bérilgen bolup, bu yil (2023) rusiye-birma munasiwitining 75 - yilliqini tebrikleydighanliqi eskertilip, «birmada yéngi bir kespiy sahening berpa qilinishi shübhisizki, birmaning énérgiye sahesige, sanaiti we iqtisadigha payda yetküzidu. birmaning rusiyening yadro téxnikisini tallighanliqini medhiyeleymiz» déyildi.