papa apetke uchrighanlar üchün öz ara hemkarlishishqa chaqirdi

türkiye awazi radiyosi xewiri: katoliklarning ruhaniy rehbiri we watikan pirézidénti papa franchisko her charshenbe künliri ötküzülidighan qobulda, türkiye bilen süriyede yüz bergen yer tewresh apiti üstide toxtaldi.

u: «hazir minglarche kishining jénidin ayrilishigha we yarilinishigha seweb bolghan yer tewresh apitige uchrighan türkiye bilen süriye xelqini oylawatimen. ular üchün chin qelbimdin dua qiliwatimen. bu apetning tesirige uchrighan her bir kishige we u xelqlerge yéqin ikenlikimni bildürüshni xalaymen» dédi.

u hemme kishini apetke qarshi yer tewrigen rayonlar bilen hemkarlishishqa dewet qilip: «u qérindashlirimizning tiragédiyege qarshi algha ilgirilishi üchün dua qilayli» dédi.

papa franchisko nachar hawa rayi we yollarning buzulushigha oxshash qiyinchiliqlargha duch kelgen bolsimu, hayat qutquzushqa tirishiwatqan izdesh-qutquzush xadimlirigha teshekkür éytti we ularghimu dua qilishni telep qildi.