yawropa: bu biz körgen eng éghir yer tewreshlerdin biri

türkiye awazi radiyosi xewiri: yawropa ittipaqi komitétining jiddiy ishlar mesuli xans das türkiye muxbirlirigha, yawropa ittipaqi jiddiy ishlar kordinatsiye merkizide yer tewresh we arqidin bashlanghan zidesh-qutquzush xizmetlirige qandaq küch chiqarghanliqi toghrisida melumat berdi.

u yer tewreshning chongluqi we tesiri üstide toxtilip: «bu biz yéqinqi yillarda körgen eng éghir yer tewreshlerdin biri. tesiri nahayiti küchlük we dairisi keng boldi. bu heqiqetenmu tiragédiye» dédi.

u apetning tesirige uchrighanlargha, türkiye we süriyeni qollash üchün qolliridin kélishiche tirishchanliq qiliwatqanliqlirini eskartip, aridin uzun ötmeyla nahayiti qisqa waqit ichide izdesh-qutquzush xadimlirini heriketke ötküzgenliklirini, yawropa döletliriningmu qisqa waqit ichide yardem chaqiriqigha awaz qoshqanliqini qeyt qildi.

u kopérnikus (Copernicus) süniy hemrahining izdesh-qutquzush xizmetlirige töhpe qoshqanliqini bildürüp, süniy hemrah ewetken körünüshlerning nahayiti tepsiliy ikenlikini, bolupmu ziyanni bayqash we ziyanning derijisini belgilesh jehette intayin paydiliq bolghanliqini éytti.

u bu körünüshlerning yollarning ehwalini bilish jehettimu intayin paydiliq bolghanliqini, hemde halqiliq birinchi saet we künlerde yardem ewetish jehette intayin muhim ehmiyetke ige ikenlikini tilgha aldi.

u: «süniy hemrah körünüshlirini izdesh-ququzush we yardem xizmetliride paydilinishi üchün türkiyening munasiwetlik organliri ortaqlishiwatimiz» dédi.

u türkyening munasiwetlik organliri bilen boluwatqan hemkarliqlar üstide toxtilip, mundaq dédi:

«bizning türkiye tebiiy apet we jiddiy ishlargha taqabil turush idarisi bilen zich hemkarliqimiz we qoyuq alaqimiz bar. hazir yardem xizmetlirini maslashturush xizmitini nahayiti yaxshi ishlewatimiz, alaqe süritimiz nahayiti téz we inayin yaxshi.»